સપનાઓ પંખી બનીને ઉડવા દો,
પ્રણય પણ આવશે નશીબ ને બદલવા દો.
કોઈનું સ્મિત ફરીથી કરી ગયું છે અસર,
કોઈનું સ્મિતને જીગર સુધી પહોંચવા દો.
શબ્દો મારા બહેકવાના હજુતો બાકી છે,
નજરના જામ ને હોઠો સુધી છલકવા દો.
ખોલીને પલકો જરા વાતો કરીલો આંખોથી,
ક્યારેક શબ્દોને કંઠે આવીને અટકવા દો.
કઠોરતા ના યુગમાં મળે પ્રીત પણ થીજેલું મીણ,
ઈંતઝાર કરો થોડો સમય "ચિત" હ્યદય ને પીગળવા દો.
"ચિંતન ટેલર"
No comments:
Post a Comment