આજે પહેલી વખત મે સાગરને જોયો,
ધ્યાનથી જોયો...
જોયો શું, તેને મે સાંભળ્યો,
તેની ભરતીના પ્રત્યેક મોજામાં
જાણે તે કોઈને પ્રેમનો
પ્રસ્તાવ મુકતો હોય તેવું
લાગી રહ્યું હતું,
મને તેની છટા ગમી ગઈ,
પ્રેમ કરો તો ખુલ્લા દીલે
ખુબજ... ખુબજ ધોધમાર
ખુબજ વિશાળ રીતે,
કોઈની પણ બીક વગર
આખી દુનિયાને જણાવીને કરવો,
છુપો પ્રેમ કરવો કદાચ
સાગરને આવડતુંજ નહી હોય
તેથીજ તો તે આમ કરતો હશે,
અને જે પોતેજ પ્રલય હોય
તેને વળી કોની બીક,
સાચ્ચે પ્રેમ કરવો તો સાગરની જેમજ કરવો...
"ચિંતન ટેલર"
