એક જમાનાથી ચોકી કરે છે જે શુરો,
સીત્તેરમાં પ્રવેશ્યો અમારા ઘરનો ઉંબરો...
ઉંબરો એટલે ઈજ્જતનો રક્ષક,
ઉંબરો એટલે મર્યાદા,
ઉંબરો એટલે લક્ષ્મણ રેખા,
ઉંબરો એટલે વૈભવ,
ઘણી વાર ઠોકર મારતો,
ઘણી વાર ખોળે બેસાળતો,
હસવાની ખુશીઓ લાવતો,
ગમમાં પણ સાથ નીભાવતો,
નવોધાનો સત્કાર થતો એ ઉંબરો,
વર્ષોથી અડીખમ અમારા ઘરનો ઉંબરો
સીત્તેરમાં પ્રવેશ્યો અમારા ઘરનો ઉંબરો...
"ચિંતન ટેલર"
નાનપણમા દાદાના ઘરે બા રોજ ઉંબરાની પાણી, કંકુ, કરોટી, અબીલ અને ગુલાલથી પુજા કરતા, એવું દરેકના ઘરમાં થતું, બસ આજે તે યાદ આવી ગયું, હવે તો ઘર હોય છે આલીશાન પણ ઉંબરો ક્યાં જોવા મળે છે?
ખરેખર ઉંબરા દોહ્યલા થતા જાય છે!!!
