હાથમાં આપી દઈ હાથ કહી દો સફરને,
કે લઈ જાય અમને પણ એવા નગરને,
જોવા મળે આંખોમાં સહુંની લાગણીઓનાં દરિયાને,
અને અવગણના ક્યારેય મળે નહીં અમારી નજરને,
થતા રહે મુજ જીવન ગણિતમાં સ્નેહીઓનાં સરવળાં,
ને ભેગા મળી વહેંચી લઈશું દુશ્મનોની ડગર ને,
મળી જાય નહી કેમ મક્કમતા અમને એવા નગરમાં,
પડકાર ફેંકે જ્યાં પાંદડું પણ કોઈ પાનખરને,
મરણ મળે ભલે મળે "ચિત" તરસથી ભટકી ભટકી,
પણ મળે એક આંસુ પ્રિયજનનું અમારી કબરને.
"ચિંતન ટેલર"
No comments:
Post a Comment