શક્યતાઓ મુલાકાત ની સરકી સરકી જાય,
યાદની સાંજો આંખમાં આંસુ ભરતી-ભરતી જાય.
આશાઓના રણમાં કાયમ હૈયું ભટકે છે,
ઝાંઝવા પાછળ દોડી આ મન તરસી-તરસી જાય.
ભૂલી શકાશે ક્યાંથી તમને? ચાંદો છુપશે ક્યાં?
ચાંદની રાતો મનમાં અંધારુ કરતી-કરતી જાય.
જેમના કાજે તોફાનો દરિયાના ખાળું છું,
હાથ છોડી એ ડૂબતો મૂકીને તરતી-તરતી જાય.
પથ્થરના જગમાં શીશાઓના ભાવ તો કરશે શું? "ચિત",
કાચની ભાવના પર્વત પરથી પડતી-પડતી જાય.
"ચિંતન ટેલર"
No comments:
Post a Comment