રાત્રી તમારી મોંઘી પડે અને દિવસ તમારો અઘરો પડે,
પણ આખરે આ ખયાલ અમારો સફળ થવો અઘરો પડે.
ઊંધા થઈ જાય વહાણ તમારા, આવે હર સફરમાં તોફાન,
ઊંડા દરિયામાં તર્યા કરો પણ કિનારો મળવો અઘરો પડે.
ભીડ જામી હોય સ્નેહીઓની પણ ઓળખાણ તમારી જ ના પડે,
નજર ફેરવે તમારાથી સહું એક ઈશારો મળવો અઘરો પડે.
દિવસ તમારો ગ્રહણમાં જાય અને રાત્રી હોય સહું અમાસની,
ઘોર અંધકારમાં ભતક્યા કરો, એક સિતારો મળવો અઘરો પડે.
ખુલે જો પ્રેમના ક્યારેક બજારો કિંમત તમે કાંઈ ચુકવી ન શકો,
શક્યતા ખરીદીની છે જ નહી "ચિત" ભાવ પુછવો અઘરો પડે.
"ચિંતન ટેલર"
No comments:
Post a Comment