રસ્તે-રસ્તે પગલાં ભટકે, વાટ જોનારું ક્યાં કોઈ?
મોજાં ઊછળે નજરોમાં પણ, તરસનારું ક્યાં કોઈ.
ઉજ્જડ વન પાણી ને તરસે, દરિયા ઉપર વાદળ વરસે,
વર્ષોથી મન પ્યાસું-પ્યાસું, વરસનારું ક્યાં કોઈ.
ડુંગરાઓની ઓળખ શેને? ટેકરીઓથી સંતોષ જેને,
લાગણીઓના ડુંગરા છે જ્યાં ત્યાં ચઢનારું ક્યાં કોઈ.
સોનાની કિંમત સહુ જાણે, સંબધોને સસ્તા માને,
સંબધોની તુટતી તિરાડો, સાંધનારુ ક્યાં કોઈ.
ઈચ્છાઓના ભરાય મેળાં, સપનાઓના છે અહીં બજાર,
"ચિત" ભાવ પુછી સહુ આગળ ચાલે ખરીદનારું ક્યાં કોઈ.
"ચિંતન ટેલર"
No comments:
Post a Comment