"દૂર ઉભા રહી હસે છે ને રડવું દેખે છે"

આ નજર જે નજર કાજે રસ્તો દેખે છે,
તે નજર પ્રેમને કેમ સસ્તો દેખે છે.

એતો સૂરજની હાજરીમાં તારા દેખે છે,
ઝરણાં મિઠાં પાણીના પણ ખારાં દેખે છે.

સોનું સો ટચનું છે પણ એ કાંસુ દેખે છે,
નજર મિલાવતા નથી ને એ ત્રાંસુ દેખે છે.

એમની મંઝિલ પાછળ છે ને આગળ દેખે છે,
ભૂલ શોધવા માટે કોરો કાગળ દેખે છે.

મારા મિઠાં "ચિત" સામે કડવું દેખે છે,
દૂર ઉભા રહી હસે છે ને રડવું દેખે છે.

"ચિંતન ટેલર"