"પવન જાણે એમની ગલીઓમાં ફરીને આયો છે"

એક છું હું બીજો મારો પડછાયો છે,
દરિયો આખો બે જ આંખોમાં સમાયો છે.

બંધ કરી દીધો છે એમણે સૂરજ મારો પલકોમાં,
દૂર ક્ષિતિજ સુધી અંધકાર ફેલાયો છે.

અટકે નહી નદી, પવન અને સમયના વહેણ,
વિચાર મારો એજ પળોમાં અટવાયો છે.

સામનો થયો નથી એક સમયથી સુખનો ક્ષણિક,
લાગે કે અહીંજ તડકો બીજે તો બધે છાયો છે.

સ્વાસની સાથે સાથે આવે છે યાદો એમની,
પવન જાણે એમની ગલીઓમાં ફરીને આયો છે.

રડી ચુક્યો હોત એ તમારી અગાસી પર પહોંચી,
હજુ વાદળ મારા પ્રેમ "ચિત" થી અજાણ્યો છે.

"ચિંતન ટેલર"