"માં નો પડછાયો છે"

જે હર વખત, દર એક મુસીબતમાં મારી સાથે રહ્યો છે,
એ તું નથી ભગવાન, પણ મારી માં નો પડછાયો છે...

"ચિંતન ટેલર"

"મેહુલ્યા તને લોકોએ ખુબ ચગાવ્યો છે"

ઉપરથી વરસીને હેઠો ઉતર નેવેથી,
મેહુલ્યા તને લોકોએ ખુબ ચગાવ્યો છે...

"ચિંતન ટેલર"

"વર્ષો વીતી ગયા"

આ દીલ સાથે આપણી ખાનગી વાત થઈ,
જાહેર થવાની વાતને વર્ષો વીતી ગયા...

"ચિંતન ટેલર"

"ગુજરાતી જેવી તું"

આ કાળજાળતી ગરમીમાં,
ગુજરાતી જેવી તું,
દુહા, છંદ, આખ્યાન,
મુક્તક, હાઈકુ માં તું...

ભાષા આખી માં તુજ જેવી,
સ્વર, વ્યંજન માં તું,
ગુજરાતી જો ક્યાંક સાંભળું તો,
સાંભરી આવતી તું...

ભાષાઓનો દેશ છે આપણો,
મન ફાવે તેમ બોલાતું,
પણ મુજને પંખીનું કલરવ,
ગુજરાતીમાં જ સમજાતું...

તું દેશમાં હું પરદેશી,
કેવી છે માં તું?
બાબલો આપણો અંગ્રેજીમાં શીખે,
DAD, HOW DO YOU DO?

આમ તો બચ્ચું મારૂ જયશ્રીકૃષ્ણ,
JSK માંજ બોલતું,
તારા બાલ ગોપલ ના નામને,
ટુકડે ટુકડે ગણગણતું...

મને જીવતેજીવત DAD કહે,
ને એની માંને MOM,
BRO, SIS, DEAR, NEAR માં,
ક્યારનીય ભુલાઈ ગઈ તું...

પરદેશમાં શું દાટ્યુ છે એવું,
સાચું તે કહેલું,
તારા જ ચરણોમાં જન્નત છે માં,
ગુજરાતીમાં કોઈકે લખેલું...

અમારી પાડોશી બહેનની ભાષામાં કહું તો...

ગુજરાતી માં સમજાવું છું હું,
સમજણ મે હે કુછ આતા?
બાપ ભલેને મરજો કોઈનો,
મરજોના કોઈની માતા...

જય ગુજરાતી

"ચિત" "ચિંતન ટેલર"

"બસ એવીજ રીતે"

ચિત્રો પર ચિત્ર બનાવતો હતો ને તેમનો ચહેરો બની ગયો,
બસ એવીજ રીતે તું મારી સામે મહોરા પહેરીને આવે છે.

"ચિંતન ટેલર"

"તો ઈર્શાદ બોલ"

સાંભળવો હોય મુજને તો ઈર્શાદ બોલ,
ડૂસકાં પણ એવા ભરીશ કે તું વાહ કહી ઉથે.

"ચિંતન ટેલર"

"પ્રેમનો પર્યાય પ્રેમજ"

પ્રેમનાં પુરાવા ના હોય,
પ્રેમની સાબિતિ ના હોય,
પ્રેમનો પર્યાય પ્રેમજ,
પ્રેમ સિવાય કઈ ના હોય.

"ચિંતન ટેલર"

"તું કાં ના મુજપર મરે?"

ફૂલોની સુગંધ ઉપર બેઠી એક રાત જેના શ્વાસમાં તારલા ખરે,
કેટ કેટલાં સંજોગો ઊભા થયાં તોય તું કાં ના મુજ પર મરે?

"ચિંતન ટેલર"

"કોન કહેતા હૈ"

કોન કહેતા હૈ કી ગાંધી મર ગયા,
તું સાચું બોલી ને શરૂઆત તો કર.

"ચિંતન ટેલર"

"મને થાક ખાવા દો"

ઘટનાઓની સામટી હારમાળાઓ છું,
જિંદગીથી પર ગયો, મને થાક ખાવા દો.

સમંદરમાંથી મલી નઈ ચિજ કઈ એવી,
કિનારે જે મલે તો કહું કે ભાગ આવવા દો.

વર્ષાની માઝમ રાતમાં ચાંદ તો ક્યાં દેખાય,
સિતારાઓ છે જેટલા તેનોજ ઉજાસ પડવા દો.

મને મારી નાખો, માણસમાંથી બાકાત કરી દો,
આત્માનો પણ વાંક છે "ચિત" તેને સળગવા દો.

ઘટનાઓની સામટી હારમાળાઓ છું,
જિંદગીથી પર ગયો, મને થાક ખાવા દો.

"ચિંતન ટેલર"