"ભણતર મારું એળે જતું રહ્યું"

એ બધુંજ ભણેલું ભણતર મારું એળે જતું રહ્યું,
મારી ભાષા મારા દોસ્તને સમજાય કેમ નઈ?

"ચિંતન ટેલર"

"આયખું દઈ દઉ"

તું ઝાપટું થઈને આવ સજનવાં
લે આયખું દઈ દઉ આપ સજનવાં...

"ચિંતન ટેલર"

"કે તું આવે અને હું દરવાજા ઉધાડું"

બારણે ટકોરા પડે ને હવેતો એવું થાય
કે જાણે તુંજ ત્યાં આવી ને ઉભી હોય,
તારી અપેક્ષાએ હું પોતેજ
અત્યંત ઉત્સાહમાં આવીને
બીજુ કોઈ ઉભુ થાય એ પહેલા
ખુબજ ઉતાવળમાં
જાણે આંખો મીચીને
દરવાજા ઉઘાડી કાધું છું,
પણ આજ સુધી
હું જેટલી ઉત્સાહથી દરવાજા ઉઘાડું છું
એટલી ઉત્સાહથી પાછો ફર્યો નથી,
ક્યારેક તો મને એવો મોકો આપ
કે તું આવે અને હું દરવાજા ઉધાડું...

"ચિંતન ટેલર"

"કરોળીયો"

આજે સવારથી મન ઉદાસ હતું,
ચાલ માન્યું કે અંદર ઉચાટ હતો,
આતો બહારથી પણ જંઝાવાત???
હા, આજે ઘરની નીલામી હતી,
મારૂ ગમતું અણ ગમતું બધુજ
આજે મારૂ ન હતું,
મનમાં ઘણા પ્રશ્નો પરપોટાની જેમ
વારાફરતી ફૂટી રહ્યા હતા,
શું કરીશ, ક્યાં રહીશ, ક્યાં જઈશ...
આખરી સામાન ટ્રકમાં લદાઈ ગયો ત્યારે
મારો હાથ પકડીને ઉભેલા મારા દીકરાએ
મારો હાથ ની પકડ વધુ જોરથી કરીને મને કહ્યું...
પપ્પાઆઆઆઆઆઆઆઆઆઆ...
"કરોળીયો"

"ચિંતન ટેલર"

"મારા મોરપીંછ ના રંગ ક્યાં?"

શ્રાવણ માસ ની આઠમ આવી,
હર્ષ ઊલાળા મનમાં લાવી,
ક્રુષ્ણ વીહોણી મેઘલી રાતે,
મોરલો એની ઢેલને પૂછે,
મારા મોરપીંછ ના રંગ ક્યાં?

"ચિંતન ટેલર"

"ભરી મહેફીલમાં એકલા અમે"

ભરી મહેફીલમાં એકલા અમે,
ને ત્યાં તુંજ ચર્ચાતી હતી...

"ચિંતન ટેલર"

" પ્રેમ કરવો તો સાગરની જેમજ કરવો"

આજે પહેલી વખત મે સાગરને જોયો,
ધ્યાનથી જોયો...
જોયો શું, તેને મે સાંભળ્યો,
તેની ભરતીના પ્રત્યેક મોજામાં
જાણે તે કોઈને પ્રેમનો
પ્રસ્તાવ મુકતો હોય તેવું
લાગી રહ્યું હતું,
મને તેની છટા ગમી ગઈ,
પ્રેમ કરો તો ખુલ્લા દીલે
ખુબજ... ખુબજ ધોધમાર
ખુબજ વિશાળ રીતે,
કોઈની પણ બીક વગર
આખી દુનિયાને જણાવીને કરવો,
છુપો પ્રેમ કરવો કદાચ
સાગરને આવડતુંજ નહી હોય
તેથીજ તો તે આમ કરતો હશે,
અને જે પોતેજ પ્રલય હોય
તેને વળી કોની બીક,
સાચ્ચે પ્રેમ કરવો તો સાગરની જેમજ કરવો...

"ચિંતન ટેલર"

"એક દીલ સાકળુ મળે"

બેકાબુ, બેલગામ અહી બધું બેબાકળુ મળે,
ઈશ્વરની પાસે પણ એક દીલ સાકળુ મળે.

"ચિંતન ટેલર"

"જીત તો મારીજ થશે"

તું તારી પુરેપુરી
તાકાત વાપરીને
મને નફરત કરી જો
અને હું મારી પુરેપુરી
તાકાત વાપરીને
તને પ્રેમ કરૂ
જોઈએ કોની જીત થાય છે
પણ બંન્ને પરીસ્થીતી
એટલે કે
તું જીતે
કે હું જીતું
બન્નેમાં
જીત તો
મારીજ થશે
કારણકે
મને નફરત કરવા માટે પણ
દીવસમાં તારે મને
હજારો વખત યાદ તો કરવોજ પડશે!!!

"ચિંતન ટેલર"

"પથ્થરદીલ"

નોતી ખબર કે દીલ ચકનાચુર થઈ જશે,
ફક્ત વાર્તાજ સંભળેલી પથ્થરદીલ વિષે.

"ચિંતન ટેલર"